ഓസ്റ്റിൻ ഹോളിഡേയ്സ് ഹോസ്പിറ്റാലിറ്റി സംഘടിപ്പിച്ച മലേഷ്യൻ വിനോദയാത്ര വേളയിൽ പരിസ്ഥിതി വൃക്ഷ വ്യാപന പ്രവർത്തനത്തിന്റെ മഹനീയമായ സന്ദേശം വിളിച്ചറിയിച്ചുകൊണ്ട് കേരളത്തിൽ നിന്നും എത്തിയ ഒരു സംഘം പരിസ്ഥിതി സ്നേഹികൾ കോലാലമ്പൂർ സെന്റർ മാർക്കറ്റിൽ ഹോളിഡേയ്സ് ഹോസ്പിറ്റാലിറ്റിയുടെ എംഡി ശ്രീ ഓസ്റ്റിൻ ബെൻ ഏവരെയും സാക്ഷ്യം നിർത്തി വൃക്ഷ തൈ നട്ടു. നന്മ മരം ഗ്ലോബൽ ഫൗണ്ടേഷൻ കേരള സംസ്ഥാന ചീഫ് കോർഡിനേറ്റർ ശ്രീ ജേക്കബ് എസ് മുണ്ടപ്പുളം പരിസ്ഥിതി സ്നേഹത്തിന്റെ സന്ദേശം നൽകി.
Maduravanam Project and Onam Celebration
കേരള സംസ്ഥാനത്ത് നടപ്പിലാക്കി കൊണ്ടിരിക്കുന്ന മധുരവന പദ്ധതിയുടെ അംഗീകാരമായി കേരള സംസ്ഥാന കൃഷിമന്ത്രി പി പ്രസാദ് ജേക്കബ് എസ് മുണ്ടപ്പുളത്തിന് ആദരവ് നൽകുന്നു
നന്മ മരം ഗ്ലോബൽ ഫൗണ്ടേഷൻ വർഷംതോറും നടത്തിവരുന്ന വൃക്ഷ വ്യാപന വനവൽക്കരണത്തിന്റെ ഭാഗമായി ഈ വർഷം സംഘടിപ്പിക്കുന്ന മധുരവനം പദ്ധതിക്ക് തുടക്കം കുറിച്ചു. പദ്ധതിയുടെ സംസ്ഥാനതല ഉദ്ഘാടനം കേരള ഗവർണർ ആരിഫ് മുഹമ്മദ് ഖാൻ ഉദ്ഘാടനം ചെയ്തു. കൊല്ലം ക്രിസ്തു രാജ ഹയർ സെക്കൻഡറി സ്കൂളിൽ വച്ച് നടന്ന പരിപാടിയിലാണ് പ്രസ്തുത ഉദ്ഘാടന ചടങ്ങ് സംഘടിപ്പിച്ചത്. ചടങ്ങിൽ നന്മ മരം ഗ്ലോബൽ ഫൗണ്ടേഷൻ സംസ്ഥാന ചീഫ് കോഡിനേറ്റർ എസ്.ജേക്കബ്, നന്മ മരം ഗ്ലോബൽ ഫൗണ്ടേഷൻ രക്ഷാധികാരി മുൻ ഡിജിപി, ശ്രീലേഖ ഐപിഎസ്, തുടങ്ങിയവർ നന്മ മരം ഗ്ലോബൽ ഫൗണ്ടേഷനു വേണ്ടി നേതൃത്വം നൽകി. സംസ്ഥാനങ്ങളിലെ മുഴുവൻ ജില്ലാ കോർഡിനേറ്റർമാരും പ്രസ്തുത പരിപാടിയിൽ പങ്കെടുത്തു.
